MSIMU WA CLOUDS FM WATETEMA DODOMA, WAKAZI WAPAGAWA.

Msanii wa muziki wa kizazi kipya ajulikanae kwa jina la Snura akiimba jukwaani wimbo wake unaotamba kwa sasa katika vituo vingi vya redio,uitwao Majanga,mbele ya maelfu ya watu waliofika kwenye uwanja wa Jamuhuri jioni ya jana wakati wa kituo cha redio ya Clouds FM ilipokuwa ikizindua msimu wake mpya kwa wasikilizaji wake, uzinduzi huo ulikwenda sambamba na kufanyika kwa semina ya fursa kwa Watanzania.

Aidha msimu huo umekwenda sambamba na kaulimbiu inayofuatia harakati za MADE IN TANZANIA, ambapo msukumo wake ni kuwashawishi Watanzania kuanza kuzifanyia kazi fursa hizo kwa umoja wa maendeleo ,huku neno TWENZETU likitumika kama neno rasmi la mawasiliano.Kama vile haitoshi uzinduzi huo utabeba harakati rasmi za vita dhidi ya Uharamia wa kazi za wasanii,Wabunifu na wavumbuzi mbalimbali.

Leo Jumapili kutakuwepo na matembezi ya kampeni ya kupinga uharamia wa kazi za sanii yatakayoanzia uwanja wa Jamuhuri mapema asubuhi na kupokelewa na Waziri Mkuu Mh. Pinda.

Msanii mahiri wa Mashairi hapa nchini, Mrisho Mpoto akiwakuna vilivyo wakazi wa mji wa Dodoma jana jioni alipowaangushia maneno kadhaa na umati kulipukwa na mayowe kila kona, ambapo Clouds FM wamezindua msimu wao mpya.

 
 

Maelfu ya Watu wakiwa ndani ya uwanja wa Jamuhuri jana jioni  wakijumuika kwa pamoja na wana Clouds FM walipokuwa wakizindua msimu wao mpya.

Msanii wa muziki wa kizazi kipya a.k.a bongofleva katika miondoko ya Hip Hop, Izzo Bizziness akikamua kwa shangwe kubwa mbele ya maelfu ya wakazi wa mji wa Dodoma waliofika ndani ya uwanja wa Jamuhuri, walipokwenda kushuhudia uzinduzi wa msimu mpya wa Clouds FM.

Msanii wa muziki wa kizazi kipya,Madee akitumbuiza mbele ya umati mkubwa wa watu ndani ya uwanja wa Jamuhuri,wakati wa kituo cha redio ya Clouds FM kilipokuwa kikizindua msimu wake mpya.

Pichani shoto ni Mkurugenzi wa vipindi na Utafiti, Ruge Mutahaba akizungumza na Katibu wa NEC,Itikadi na Uenezi,Nape Nnauye ndani ya Uwanja wa Jamuhuri Jana jioni wakati tamasha la uzinduzi wa msimu mpya wa Clouds FM likiendelea, Nape alifika uwanjani hapo kujionea shamrashamra mbalimbali zilizojumuisha maelfu ya watu.

 Palikuwa hapatoshi uwanja wa jamuhuri Dodoma jioni ya leo.

 Msanii wa mkongwe wa muziki wa kizazi kipya a.k.a bongofleva katika miondoko ya Hip Hop,Afande Sele a.k.a Baba Tunda  akikamua kwa shangwe kubwa mbele ya maelfu ya wakazi wa mji wa Dodoma waliofika ndani ya uwanja wa Jamuhuri,walipokwenda kushuhudia uzinduzi wa msimu mpya wa Clouds FM.