WIMBO KWA AJILI YA MWEZI MTUKUFU WA RAMADAHAN; BOB HAISA

Bob-Haisa-ramadhan kareem

Msanii Bob Haisa kutoka Jiji Mwanza amechia wimbo Maluum kwa ajili ya Mwezi huu Mtukufu wa Ramadahan wimbo unaitwa “Ramadhan Kareem” Bofya hapa kusikiliza …

http://www.hulkshare.com/bongofive/bob-haisa-ramadhan-kareem-hassbaby-blog

Advertisements

STENDI KUU YA MABASI YAFUNGULIWA JIJINI MBEYA

Wakazi wa jiji la Mbeya wamejitokeza kwa wingi katika stendi kuu mpya iliopo eneo la nane nane RRM kwaajili ya kuomba maeneo ya kufanyia biashara zao katika eneo hilo.Wageni kutoka mikoani mnataarifiwa kua stendi kuu ya jiji la Mbeya kwa sasa ipo eneo la nanenane (karibu na Uyole) na si mjini soko matola tena kama iliyokuwa hapo awali,lakini si wa mikoani tu bali hata baadhi ya wilaya za jiji la Mbeya.Hivyo ukifik jijini Mbeya usishangae kuambia kuwa basi linaishia hapo eneo la Nane nane,kwani ndipo ilipo Stendi Kuu mpya kwa sasa na siku zote.

 

Muonekano wa eneo la Stendi kuu hiyo.
Abiria wakisubiria Usafiri kwenye stendi kuu hiyo.
Sehemu ya kuingilia Mabasi.
Mabasi madogo yanayofanya safari zake katika baadhi ya Wilaya za Jiji hilo la Mbeya.
Sehemu ya Wakazi wa Jiji la Mbeya waliojitokeza kwa ajili ya kuomba maeneo ya kufanyia biashara zao kwenye Stendi kuu Mpya ya jiji la Mbeya.Picha zote na Fadhil Atick

KAZI YA UKAGUZI NA URASIMISHAJI WA KAZI ZA MUZIKI NA FILAMU LAANZA; TRA

Mamlaka ya mapato Tanzania ‘TRA’ imetoa tangazo kwa tasnia za sanaa ya filamu,muziki, kwa kuanza zoezi la urasimishaji wa kazi za wasanii kwa kuanza kukagua bidhaa za wasanii na kuziwekea stika.

10431899_340541062760789_1672094960_n

Taasisi za Serikali zilizokabidhiwa jukumu la kushughulikia urasimishaji wa tasnia za sanaa ya muziki na filamu, zimeanza rasmi zoezi la kukagua na kukamata bidhaa zote za muziki na filamu ambazo hazina sifa ya kuuzwa na kusambazwa katika soko la ndani na kupelekwa nje ya nchi.

Sheria ya Ushuru wa Bidhaa iliyofanyiwa marekebisho mwaka 2012, na kupitishwa kwa kanuni zake mwaka 2013 inamtaka kila mfanyabiashara wa bidhaa za muziki na filamu kuhakikisha kuwa bidhaa zote za muziki na filamu zinawekewa stempu za Ushuru wa Bidhaa zinazotolewa na Mamlaka ya Mapato Tanzania (TRA) kabla ya kusambazwa.

Taasisi za Serikali zinazohusika katika zoezi hili ni Baraza la Sanaa la Taifa (BASATA), Bodi ya Ukaguzi wa Filamu Tanzania (TFCB), Chama cha Hakimiliki na Hakishirikishi Tanzania (COSOTA) na Mamlaka ya Mapato Tanzania (TRA). Taasisi hizo kwa pamoja zimekuwa zikitoa elimu kwa wadau wote wanaojihusisha na utengenezaji, uaigizaji, usambazaji na uuzaji wa bidhaa zinazohusika na muziki na filamu pia kuhakikisha kuwa wanakamilisha mchakato wote wa uwekaji stempu za Ushuru wa bidhaa kwa kazi zinazoingizwa katika soko la ndani na zinazosafirishwa nje ya nchi.

Kwa mujibu wa sheria wahusika wote wa uzalishaji, uagizaji toka nje ya nchi na usambazaji wa bidhaa hizo wanatakiwa kufika kwa taasisi hizo ili kusajiliwa na kukamilisha utaratibu wa kusajili na kukaguliwa kwa kazi husika kabla hazijapatiwa stempu za Ushuru wa bidhaa kwa ajili ya kubandikwa kwenye kazi husika.

Utaratibu unawataka wale wote wanaokusudia kushughulika na kazi za muziki kuanzia BASATA na baada ya hapo kufika COSOTA ambapo huko hupewa vibali kabla ya kwenda TRA ili kununua stempu. Kwa kazi za filamu wahusika wanatakiwa kwenda Bodi ya Ukaguzi wa Filamu kabla hawajapeleka kazi husika COSOTA na baadaye TRA kwa ajili ya ununuzi wa stempu.

Stempu hizi zinapatikana ofisi za Idara ya fedha, Makao Makuu ya TRA. Kila kazi, yaani CD, DVD au kanda zinatolewa stempu mbili zenye namba moja katika mtiririko maalum wa namba (serial number). Stempu moja hubandikwa katika kasha na nyingine kwenye CD, DVD au kanda. Utaratibu unamtaka mhusika anayehitaji stempu kuwasilisha maombi tofauti kwa kila kazi husika. Hairuhusiwi kuweka stempu zilizoombwa kwa ajili ya kazi moja kwenye kazi nyingine hata kama kazi hizo zimetolewa na mzalishaji au msambazaji mmoja.

Aina za stempu na matumizi yake ni kama ifuatavyo:

  • Filamu toka nje ya nchi – rangi ya kijani (green).

  • Muziki toka nje ya nchi – rangi bluu (blue).

  • Filamu zilizotengenezwa ndani ya nchi – zambarau (violet)

  • Muziki wa ndani ya nchi – rangi ya pinki (pink)

CHADEMA SASA WALIA NA OFISI YA MSAJILI WA VYAMA

  • Mnyika asema Katiba ya Chadema ya 2006 haikurekebishwa, bali iliundwa upya.

  • Jaji Mutungi asema ofisi yake inafanya kazi kitaaluma na haiingizi siasa

Tunachomtaka Mutungi ni kuheshimu katiba ya chama na kuwaheshimu wanachama wa Chadema na ayapuuze madai ya wasaliti wachache. Asubiri uamuzi wa Baraza Kuu na Mkutano Mkuu ubainishe kama katiba ilivunjwa Mnyika.

“Tunachomtaka Mutungi ni kuheshimu katiba ya chama na kuwaheshimu wanachama wa Chadema na ayapuuze madai ya wasaliti wachache. Asubiri uamuzi wa Baraza Kuu na Mkutano Mkuu ubainishe kama katiba ilivunjwa” Mnyika.

 

Dar es Salaam. Mvutano mpya umeibuka baada ya Chama cha Demokrasia na Maendeleo (Chadema) kumvaa Msajili wa Vyama vya Siasa, Jaji Francis Mutungi kikidai ofisi yake inatumiwa na wasaliti wa chama hicho.

Pia, chama hicho kimemtaka Jaji Mutungi ajitokeze hadharani kubainisha iwapo yeye ndiye aliyemtuma msaidizi wake, Sistyl Nyahoza kutangaza kuwa mwenyekiti wake, Freeman Mbowe na Katibu Mkuu, Dk Willibrod Slaa hawana sifa ya kugombea uongozi ndani ya chama hicho kutokana na kuzuiwa na katiba ya Chadema.

Jana, Nyahoza alikaririwa na vyombo vya habari akisema Mbowe na Dk Slaa hawana sifa za kugombea uongozi wa chama hicho kutokana na katiba ya chama chao kuwabana.

Alibanisha kuwa kipengele cha ukomo wa mgombea katika katiba yao ya mwaka 2006 kiliondolewa kinyemela bila idhini ya mkutano mkuu.

Nyahoza alisema katiba ya Chadema ya mwaka 2004, ilikuwa na kipengele cha ukomo wa madaraka kuwa kiongozi aliyeongoza vipindi viwili vya miaka mitano mitano, hawezi kuwania tena nafasi hiyo.

Jana, Mkurugenzi wa Habari na Uenezi wa Chadema, John Mnyika alisema Jaji Mutungi hana mamlaka ya kubaini sifa za viongozi wa chama hicho, bali wenye mamlaka hayo ni wanachama wa chama hicho pekee.

Mnyika alisema mwaka 2006, katiba ya Chadema haikurekebishwa, bali iliundwa upya na kuridhiwa na mkutano mkuu wa chama na kwamba Agosti 13, 2006 ilizinduliwa na nyaraka zote alikabidhiwa Msajili wa Vyama wa wakati huo, John Tendwa.

Katika uzinduzi huo wa katiba pamoja na bendera mpya ya Chadema, Tendwa alikimwagia sifa chama hicho kwa kuonyesha mwelekeo na mwenendo mzuri na kuvishauri vyama vingine viungane nacho kuunda chama cha upinzani chenye nguvu nchini.

Akizungumzia mabadiliko hayo, Mbowe alikaririwa na gazeti hili Agosti 15, 2013 akisema yalikuwa yanalenga kuimarisha mapambano ya kisiasa ya chama hicho.

Mnyika alisema: “Mkutano mkuu wa chama uliipitisha Katiba hiyo baada ya mchakato mrefu wa kukusanya maoni kutoka kwa mabaraza ya wilaya na majimbo. Hatukurekebisha katiba kama inavyoidaiwa. Ni makubaliano ya wanachama wote ambao waliafikiana na mambo yaliyotakiwa kuwamo.”

Alisema katika mchakato huo kulikuwa na makubaliano na mabishano katika baadhi ya masuala lakini suala la ukomo wa uongozi liliafikiwa na wanachama wote bila tatizo na kupitishwa kuingia katika katiba na Ofisi ya Msajili ilipelekewa fomu ya marekebisho pamoja na katiba mpya kama sheria inavyotaka… “Kama wameipoteza waseme tuwapatie katiba wairejee.”

“Tunachomtaka Mutungi ni kuheshimu katiba ya chama na kuwaheshimu wanachama wa Chadema na ayapuuze madai ya wasaliti wachache. Kama vipi asubiri aone uamuzi wa Baraza Kuu na Mkutano Mkuu ubainishe kama katiba ilivunjwa,” alisema Mnyika.

Mnyika alisema wameshtushwa na kauli ya ofisi hiyo na kuituhumu kwamba imeanza kutumika kisiasa na wasaliti.

Alipotakiwa kutoa ufafanuzi wa suala hilo jana, Jaji Mtungi alisema: “Hili suala lisimamiwe na chama husika kwa kuwasiliana na Ofisi ya Msajili… hakuna haja ya kulikuza katika vyombo vya habari. Wanachama wa Chadema watapata taarifa kutoka kwa viongozi wao ni nini kinaendelea.”

Kuhusu madai kwamba ofisi yake inatumika kisiasa alisema:  “Kama nilivyosema, hayo tuyaache hii ofisi yetu ipo more technical (kitaalamu zaidi) hatuingizi siasa. Wao (Chadema) waje kwenye ofisi yetu tuongee kama taasisi, iwapo tunataka kuwasilisha jambo katika vyombo vya habari, basi tutaitisha mkutano na waandishi wa habari,” alisema Mutungi.

Mamlaka ya msajili

Mnyika aligusia pia mamlaka ya msajili huyo akisema… “Hana mamlaka ya kutangaza sifa za mgombea wa Chadema. Sifa na uamuzi vimetajwa katika katiba na kanuni za chama. Kifungu cha 6.3.2 cha katiba ya 2006 kinabainisha wazi kuwa kiongozi aliyemaliza muda wake na mwenye sifa ya kugombea anaruhusiwa kugombea…?” Alisema hata katika uchaguzi wa ndani wa mwaka 2009 viongozi wengi walichaguliwa na wakiwa wameshamaliza ukomo wa uongozi na msajili wa vyama hakuzungumza chochote.

Alisema hawababaishwi wala kuguswa na uamuzi uliotolewa na Ofisi ya Msajili wa kwa kuwa mkutano mkuu wa Chadema unaotarajiwa kufanyika baadaye mwaka huu, ndiyo utakaoamua hatima wa kiongozi yeyote wa chama hicho.

SOURCE:- Gazeti la Mwananchi.

SASA SHINDANO LA TANZANIA MOVIE TALENTS (TMT) KUANZA KUONEKANA ITV KILA JUMAMOSI USIKU.

 Jukwaa likitengenezwa kwaajili ya Washiriki Wa fainali ya Shindano la Tanzania Movie Talents (TMT) kupanda jukwaani na kuanza kuonyesha vipaji vyao, Onyesho hili ni onyesho la kwanza la kuelekea Kwenye Mchujo wa kumpata mshiriki Mmoja atakayejinyakulia kitita cha Shilingi Milioni 50 katika fainali kubwa itakayofanyika mwishoni mwa Mwezi wa Nane.

Mahost wa Show ya Tanzania Movie Talents (TMT) Joti na Lulu wakiwa kwa Steji tayari kwa Show kuanza

Timu ya Tanzania Movie Talents (TMT) ikiwa katika maandalizi ya mwisho mwisho kabla ya Show ya Tanzania Movie Talents katika ukumbi wa Makumbusho ya Taifa usiku huu
 Baadhi ya wakazi wa jiji la Dar waliohudhuria kwaajili ya kutazama onyesho la washiriki wa fainali ya Shindano la Tanzania Movie Talents (TMT) linaloendelea kufanyika katika ukumbi wa Makumbusho ya Taifa.
 Wadau waliojitokeza kwaajili ya Kushuhudia onyesho la Tanzania Movie Talents.Picha zote na Josephat Lukaza

Washiriki 20 wa Shindano la Tanzania Movie Talents ambao ni washindi kutoka kanda 6 za Tanzania wamepanda kwa steji katika ukumbi wa Makumbusho ya Taifa kwaajili ya kuanza kuonyesha vipaji vyao vya kuigiza.  Sasa ni safari kwa washiriki kuelekea kwenye kinyanganyiro cha kuwania Milioni 50 za Kitanzania katika fainali kubwa itakayofanyika Mwisho wa Mwezi wa Nane.

Katika Onyesho hili litakalorushwa katika Runinga ya ITV siku ya Jumamosi saa 4 usiku kitakuwa kipindi cha kwanza kwa watanzania kuanza kuangalia na kuwapigia kura washiriki ambao watakuwa wamewavutia na kukonga nyoyo zao na hatimaye kuwawezesha kushiriki katika fainali kubwa Mwishoni mwa Mwezi wa Nane.

Watanzania wanatakiwa kuendelea kutazama muendelezo wa vipindi vya TMT kupitia Kituo cha Runinga cha ITV saa nne Usiku siku ya Jumamosi na hatimaye kuanza kuwapigia kura washiriki. Ili kuweza kupata Taarifa za TMT unaweza kutuma neno “TMT” kwenda namba 15678

Mchujo kwa washiriki sasa waanza rasmi ili kuweza kumpigia kura mshiriki umpendae unatakiwa kutuma neno “TMT ikifuatiwa na namba ya Mshiriki” kwenda namba 15678

{TAZAMA MAGOLI KOMBE LA DUNIA 2014} UBELGIJI YAIZAMISHA MAREKANI MUDA WA ZIADA 2 – 1

Belgium-vs-United-States-World-Cup-2014-Round-Of-16-Soccer-Wallpaper-2048x1536

Timu ya taifa ya Ubelgiji ilifanikiwa kuzifumania nyavu mara mbili katika muda wa ziada na kusababisha hamaki kwa wapenzi wa timu ya taifa ya Marekani, ushindi huo wa 2-1 umeivusha Ubelgiji katika hatua ya 16 bora na kuingia robo fainali.

Ni vigumu kuelezea mchezo huu uliochezwa Jumanne Julai 14, 2014 nchini Brazil, labda neno sahihi zaidi kwa kuielezea timu ya Marekani ilikuwa ni “kutaabika”. Shujaa wa Marekani katika mchezo huu alikuwa ni kipa wao Tim Howard ingawa pamoja na ustadi wake alishindwa kuzuia mabao mawili ya Ubelgiji katika kipindi cha kwanza cha muda wa ziada.

Ubelgiji huenda wangeweza kushinda mapema kabla ya muda wa nyongeza lakini alikuwa ni Howard huyohuyo aliye zima ndoto zao, Kwa upande wa timu ya Marekani nao walipata nafasi kadha, almanusura wafunge katika dakika ya 90 na kwa mshangao wa wengi Chris Wondolowski akapaisha mpira akiwa yeye na nyavu.

Muda wa nyongeza tulishuhudia Ubelgiji wakitawala mpira kwa kiasi kikubwa, ilikuwa dakika ya 93 tu kupitia kwa mshambuliaji Kevin De Bruyne Ubelgiji wakajipatia bao la kwanza huku lile la ushindi likisubiri sekunde chache tu kabla ya kipindi cha kwanza cha muda wa nyongeza kwisha, hali ilio wadhoofisha wa Marekani.

Marekani ilizinduka kipindi cha pili cha muda wa nyongeza pale Michael Bradley alipofanikiwa kuupitisha mpira katikati ya msitu wa mabaki wa Ubelgiji ukamkuta chipukizi wa miaka 19 Julian Green ambaye bila makosa akaiandikia marekani bao. Hii ilikuwa ni mara ya kwanza kwa chipukizi huyo kuichezea timu yake ya taifa ya marekani katika kombe la Dunia nchini Brazil.

Hadi mwisho ubao wa matangazo zilisomeka 2 -1, hii ilikuwa safari ya mwisho ya timu ya taifa ya Marekani ambayo imeandika historia ya aina yake katika mashindano hayo. Juhudi, vipaji ambavyo vimeonyesha na timu hiyo ya Marekani tokea hawali walipofanikiwa kuvuka kundi lao la kifo zilimalizika baada ya dk. 120 dhidi ya moja kati ya timu bora kabisa duniani. Kwa hakika si dhani kama unaweza kuomba zaidi ya hapo.

text

ilikuwa dk. 114′ ambapo marekani karibia wapate goli la kuzawzisha kupiti mpira wa dhabu uliopigwa kivundi sana ….

text

hili ndiyo goli la kufutia machozi la timu ya Taifa ya Marekani lililofungwa katika dk. 107′ kupitia kwa chipukizi  Julian Green, ambaye ana mika 19.

text

Goli la ushindi la timu ya Ubelgiji lilifungwa Dk. ya  105′ Lukaku ambaye alipata pasi kutoka kwa De Bruyne.

text

Mshambuliaji wa Marekani Wondolowski alikosa goli la wazi katika dk. ya 90′

text

Kipa wa marekani alifanikiwa kuokoa mpira ambao ulionekana wazi kuwa ungeweza kuza goli katika dk. 76′ 

text

Dk. 69′ alikuwa mshambuliaji wa Ubelgiji aliye achia mkwaju mkali lakini ukatoka nchje ya lango la Marekani.